«Ազատություն» ռադիոկայան․ Տիգրան Ավինյանի աշխատավարձը կկազմի առնվազն 2 մլն 80 հազար դրամ

Երևանի քաղաքապետ Տիգրան Ավինյանի աշխատավարձը 2027 թվականի հունվարի 1-ից կկազմի առնվազն 2 մլն 80 հազար դրամ՝ ներառյալ հարկերը։ Ինչպես հաղորդում է «Ազատություն» ռադիոկայանը, Երևանի ավագանին հաստատել է վարձատրության հաշվարկման նոր համակարգը, որով սահմանվել են քաղաքապետարանի պաշտոնատար անձանց աշխատավարձերի հաշվարկման գործակիցները։

Նոր համակարգով քաղաքապետի պաշտոնի համար սահմանվել է ամենաբարձր գործակիցը։ Արդյունքում՝ Ավինյանի աշխատավարձը ներկայիս 1 մլն 320 հազար դրամի փոխարեն կավելանա առնվազն 760 հազար դրամով։

Ավագանու «Քաղաքացիական պայմանագիր» խմբակցության ղեկավար Արմեն Գալջյանի խոսքով՝ փոփոխության նպատակը աշխատավարձերի վերանայումն է։ Նա պարզաբանել է, որ վերջնական չափերը կախված կլինեն 2027 թվականի բյուջեում սահմանվելիք բազային աշխատավարձից, որը, օրենքով, չի կարող նվազագույն աշխատավարձի 80-ապատիկից ցածր լինել։

Աշխատավարձերի փոփոխությունը կվերաբերի նաև քաղաքապետի տեղակալներին, օգնականներին, խոսնակին, վարչական շրջանների ղեկավարներին, ինչպես նաև քաղաքապետարանի մյուս աշխատակիցներին։ Գալջյանի խոսքով՝ նախատեսվում է նախկինում աշխատավարձից առանձին վճարվող պարգևավճարները ներառել աշխատավարձի կազմում։ Նա պնդել է, որ որոշ աշխատակիցների ընդհանուր վարձատրությունը նոր համակարգով կարող է նույնիսկ նվազել՝ համեմատած ներկայում ստացվող աշխատավարձի և պարգևավճարների հանրագումարի հետ, սակայն կոնկրետ թվեր չի ներկայացրել։

Նախագծին դեմ է քվեարկել ընդդիմադիր «Մայր Հայաստան» խմբակցությունը։ Խմբակցության ղեկավար Մանուկ Սուքիասյանը քննադատել է աշխատավարձերի բարձրացման մտադրությունը՝ մատնանշելով տրանսպորտի, կարմիր գծերի, գույքահարկի և տեղական վճարների թանկացումը, ինչպես նաև Երևանի խցանումներն ու բնապահպանական խնդիրները։ Նրա խոսքով՝ քաղաքացիների ֆինանսական բեռը մեծացել է, մինչդեռ քաղաքի խնդիրները չեն լուծվել։

Հակակոռուպցիոն ազգային նախաձեռնության (ՀԱՆ) գնահատմամբ՝ բյուջեի պակասուրդի և դրանից բխող արտաքին պարտք ներգրավելու անհրաժեշտության պայմաններում քաղաքապետարանի աշխատավարձերի կտրուկ բարձրացումը առնվազն տարօրինակ է։ Առավել ևս՝ հաշվի առնելով, որ Տիգրան Ավինյանի ղեկավարած քաղաքապետարանը մինչ օրս առանձնապես արդյունավետ աշխատանքով աչքի չի ընկել։

«Oragir.am». Ավելի քան 1 միլիարդ դրամ է հատկացվել, բայց Գյումրիի նոր ծննդատան շինարարությունը կավարտվի միայն 2027-ին

Գյումրիի նոր ծննդատան կառուցման ծրագիրը, որի մասին հայտարարվել էր դեռևս 2019 թվականին, արդեն յոթերորդ տարին է՝ չի հասնում ավարտին։ Չնայած պետական և մասնավոր ֆինանսավորմանը՝ շինարարությունը շարունակում է ձգձգվել, իսկ դրա ավարտի նոր վերջնաժամկետ է սահմանվել 2027 թվականի օգոստոսի 1-ը։ Այս մասին գրում է Oragir.am-ը։

Կարդալ ավելին

«Փաստինֆո». Համբարձում Մաթևոսյանի՝ Նյու Յորքում հյուրանոցային համարի համար վճարվել է շուրջ 4,5 մլն դրամ

Նախարարի կեցության համար «Millennium Hilton New York One UN Plaza» հյուրանոցում ամրագրվել է համար՝ 12 499,48 դոլար արժողությամբ։ Այդ գումարը հայկական դրամով կազմել է 4 միլիոն 543 հազար 65 դրամ։

Կարդալ ավելին

Լենա Նազարյանի ամուսինը Թեղուտի հանքում պաշտոն է ստացել․ «Ժողովուրդ»

«Ժողովուրդ» թերթը գրում է. «Իշխանական նախկին պատգամավորների համար աշխատանք գտնելու հարցը, կարծես, խնդիր չէ։ Ազգային ժողովի «Քաղաքացիական պայմանագիր» խմբակցության նախկին պատգամավոր Նարեկ Բաբայանը նոր պաշտոն է ստացել։

Կարդալ ավելին

«Oragir.am». Աջափնյակի փոխթաղապետի հայտարարագրից 20 միլիոն դրամի ոսկյա զարդերն անհետացել են

Աջափնյակ վարչական շրջանի ղեկավարի տեղակալ Նարեկ Իսրայելյանի 2025 թվականի գույքի և եկամուտների հայտարարագրում ուշագրավ անհամապատասխանություն է արձանագրվել։

Կարդալ ավելին

«Գոլդ» համարանիշներից՝ դեպի «գոլդ» կերակրատաշտ. ՀՀ ՆԳՆ-ին 6,5 միլիարդ դրամ են հատկացրել բյուջետային միջոցները «յուրացնելու» համար

«Գոլդ» համարանիշներ, «գոլդ» ծրագրեր, «գոլդ» կերակրատաշտեր՝ չինովնիկական ապարատի համար։ Իսկ այն քաղաքացիներին, որոնց բարօրությամբ, իբր, պետք է մտահոգված լինի պետությունը, այս թանկարժեք՝ «արդյունավետ կառավարում» անվանումը կրող ներկայացման մեջ ավելի ու ավելի հաճախ վերապահվում է ընդամենը լուռ վիճակագրի դերը։

Կարդալ ավելին

Հետադարձ կապ

Համագործակցության առաջարկների, ինչպես նաև կոռուպցիայի և պաշտոնական դիրքը չարաշահելու վերաբերյալ տեղեկատվություն տրամադրելու համար կարող եք կապ հաստատել մեզ հետ՝ ստորև ներկայացված կոնտակտային միջոցներով։

էլեկտրոնային փոստ

info@aniarm.info

Հետադարձ կապի ձև