Արարատ Միրզոյանի բաճկոնի գինը․ էլիտար զգեստապահարան, էլիտար անշարժ գույք և հայտարարագրերի վերաբերյալ անհարմար հարցեր
Ապառիկով հեռուստացույց գնել չկարողացող Արարատ Միրզոյանի ժիլետի գինը ավելի քան 2 մլն դրամ է։ Մինչև իշխանության գալը հարկադիրի տակ «ճռացող» Արարատ Միրզոյանը աչքի է ընկնում բավական շքեղ կյանքով, գրել է Կարմիր գիծ տելեգրամյան ալիքը։
«Հանգստյան օրերին ՔՊ քարոզարշավի ժամանակ Միրզոյանը թանկարժեք հագուստ էր կրում՝ Brunello Cucinelli էլիտար բրենդի բրդյա բաճկոնակը՝ ժիլետը, որի արժեքը եվրոպական օնլայն խանութներում կազմում է 5955 դոլար կամ ավելի քան 2 միլիոն ՀՀ դրամ։
Այսպես, իշխանությանն անցնելուց նա արդեն հասցրել էր գնել էլիտար անշարժ գույք՝ շուրջ 112 միլիոն դրամի, իսկ 2024 թվականին Միրզոյանի կինը՝ Գոհար Աբաջյանը, 39.405.46 եվրոյով հենց 2024 թվականի արտադրության «BMW» մակնիշի մեքենա՝ գերմանական Michael Schmidt ավտոսրահից։
Հետաքրքիր է, թե ի՞նչ է մտածում Հայաստանի թոշակառուի շուրջ 4 տարվա թոշակի արժեքի չափով ժիլետ հագնող Արարատ Միրզոյանը՝ արդյո՞ք Հայաստանում կոռուպցիա կա, թե՞ ոչ։ Թե՞ այս ժիլետը ևս ձեռք է բերել վարկով»։