Արթուր Խաչատրյան․ որտե՞ղ են «հիբրիդային պատերազմի» դեմ պայքարի համար հատկացված 12 միլիոն եվրոն
Սիրելի հայրենակիցներ, ընտրությունները մոտենում են, և իշխանությունների ճնշումն աճում է․ ավելի ու ավելի շատ ընդդիմադիրներ են հայտնվում ճաղերի հետևում։ Սա արդեն ոչ թե պարզապես «հիբրիդային», այլ բաց պատերազմ է ժողովրդավարության և սեփական ժողովրդի դեմ։ Այս մասին Facebook-ի իր էջում գրել է «Հայաստան» խմբակցության պատգամավոր Արթուր Խաչատրյանը։
«Ժամանակն է հիշելու՝ արդյոք կառավարությունը ստացել է խոստացված 12 միլիոն եվրոն՝ հենց այս հիբրիդային պատերազմին դիմակայելու համար։ Եվ եթե ստացել է, ապա ինչի՞ վրա են ծախսվել այդ միջոցները։ Իրավիճակը պարզելու համար այսօր ես պաշտոնական հարցում եմ ուղարկել կառավարությանը։ Պատասխանը ստանալուն պես այն կհրապարակեմ, քանի որ մեր «թափանցիկ» իշխանությունից կամավոր բացություն սպասել պետք չէ», — գրել է պատգամավորը։